من ليلة الجمعة حتى بعد غداء الأحد، عيشوا مع مجموعتكم تجربة تخييم وسط الطبيعة حدا واد أحنصال. جوج ليالي، ماكلة محلية، وجولات تختارو فيها بين المشي والكاطكاط، مع إمكانية إضافة سهرة أحيدوس الأمازيغية.
سواء كنتو جمعية، شركة، عائلة كبيرة أو مجموعة صحاب، حضّرنا ليكم برنامج واضح تقدروا تصيفطوه لجميع المشاركين. الإقامة فالطبيعة والوجبات هي الأساس، ومن بعد كل مجموعة كتختار واش تدير الجولات على الرجلين ولا تزيد النقل بالكاطكاط والأنشطة الثقافية.
من بعد ما تشدو الطريق من المدينة ديالكم، كتعشاو فطريقكم فالبلاصة اللي كتختاروها. منين كتوصلو لمسفران كنستقبلوكم فالمخيم ديالنا وسط الطبيعة، حدا واد أحنصال، باش تدوزو أول ليلة بين الجبل، الواد، والنجوم.
كتاخدو راحتكم فالمخيم وكتوجدو نهار السبت. عشاء الجمعة ما داخلش فالثمن حيت كتاكلوه فطريقكم قبل الوصول.
نهار فيه مناظر الجبال، الغداء فالمخيم، وقت حر حدا الواد، وإمكانية سهرة أمازيغية فالليل.
كتفيقو الصباح، كتفطرو فالمخيم، ومن بعد كتخرجو تكتاشفو جبل مسفران اللي كيوصل الارتفاع ديالو لـ1868 متر. الناس اللي كيبغيو المشي يقدرو يديرو الرحلة كاملة على الرجلين، حوالي 5 سوايع ذهاباً وإياباً وسط المناظر الجبلية.
إلى بغيتو تنقصو المشي كاين اختيار الكاطكاط 4×4 بـ500 درهم للسيارة اللي كتدي حتى 15 شخص. كتوصلكم عبر البيست لواحد النقطة قريبة من القمة، ومن تما كتكملو تقريباً 40 دقيقة على رجليكم. كل مجموعة كتختار اللي مناسب ليها.
ملي كترجعو للمخيم، سواء على الرجلين أو بالكاطكاط، كتغداو وكيبقى عندكم وقت حر. تقدروا تتمشاو حدا الواد، ترتاحو شوية وسط الطبيعة، أو تمشيو تشوفو الكاميو القديم الشهير ديال مسفران اللي كيبغيو بزاف ديال الزوار يتصورو حداه.
هاد الوقت مخصص للراحة والاستمتاع بالطبيعة بلا استعجال ولا برنامج عامر بزاف.
فالليل كتجمعو على العشاء فالمخيم. وإذا بغيتو تزيدو واحد اللمسة مميزة للتجربة، نقدروا ننظمو ليكم سهرة أحيدوس بـ600 درهم، وهو فن أمازيغي محلي كيجمع الغناء والإيقاع والرقص الجماعي.
سهرة أحيدوس اختيارية وخصها تنسيق مسبق. من بعد كتدوزو الليلة الثانية فالمخيم وسط هدوء الجبال.
نهار الأحد غادي تكتاشفو مضايق أحنصال وشلالات واخودن قبل آخر غداء فالمخيم.
كتفيقو وتفطرو للمرة الثانية، ومن بعد كتشدو الطريق لمضايق واد أحنصال. عندكم اختيار تمشيو على رجليكم أو تاخدو الكاطكاط بـ400 درهم باش يقربكم وينقص ليكم جزء من طريق البيست.
خاص تعرفو أن الكاطكاط ما كيوصلكمش للمضايق مباشرة؛ من النقطة اللي كيوقف فيها كيبقى تقريباً ساعة ونص ديال المشي حتى توصلو للمضايق وسط الصخور والطبيعة.
منين كتوصلو للمضايق، كتزيدو حوالي 20 دقيقة أخرى على الرجلين حتى توصلو لشلالات واخودن الطبيعية (Wakoudene). الماء ديالها معروف بالبرودة القوية؛ بزاف ديال الناس كيصعب عليهم يبقاو فيه حتى ثواني قليلة. استمتعو بالمشهد وخليو السلامة ديما هي الأولى.
فطريق الرجوع، إلى ما شفتوش الكاميو القديم نهار السبت، تقدروا تدوزو عليه حيث قريب من نفس الطريق. ملي كترجعو للمخيم كتغداو غداء الأحد ومن بعد كتشدو طريق الرجوع.
هاد الثمن الأساسي فيه المبيت والوجبات اللي مذكورين فالبرنامج. الكاطكاط وأحيدوس وأي نشاط أو تأطير إضافي كيتحسب بوحدو، باش كل مجموعة تختار غير اللي بغات.
ثمن الإقامة والأكل للشخص، من ليلة الجمعة حتى من بعد غداء الأحد.
سولونا على التوفرما داخلش فالثمن: عشاء الجمعة فطريقكم، النقل من مدينتكم، الكاطكاط، سهرة أحيدوس، والمرشد المحلي (500 درهم للمجموعة) والأنشطة الأخرى اللي كتطلبوها بوحدها.
ما كاين حتى نشاط إجباري. جولات المشي كتشكل اقتراحات للبرنامج، أما النقل والتأطير الخاص وأحيدوس وأي نشاط مؤدى عنه فكيتم الاتفاق عليه وقت الحجز.
حتى 15 شخص. كيقربكم للقمة وكتبقى تقريباً 40 دقيقة على الرجلين.
كيحيد جزء من البيست نهار الأحد؛ كتبقى تقريباً ساعة ونص على الرجلين.
فن أمازيغي محلي بالغناء والرقص نهار السبت فالليل، بالحجز المسبق.
مرشد محلي يرافقكم فجولات المشي اللي اخترتوها، ويشرح ليكم المنطقة والمسالك ويساعد فالتوجيه والسلامة. بالحجز المسبق.
صيفطو لينا التاريخ، عدد الأشخاص، والاختيارات اللي عجباتكم. كنتأكدو من التوفر وكنوجدو ليكم برنامج تقدروا تشاركوه مع أعضاء الجمعية أو الشركة أو مع صحابكم.
الطقس وحالة المسالك ولياقة المجموعة ممكن يبدلو توقيت بعض الجولات. الإضافات كاملة اختيارية ومؤدى عنها، وتوفرها كيتأكد وقت الحجز.
